شبكة رواسي نجد الأدبية - عرض مشاركة واحدة

17-10-2020, 04:13 PM

سـلام يا من كسـآك الطِّيِب ديبــآجـه
من خـآفـق ٍ مَـلّ كتمـآني و ملّيتـــه

بـ اعلِّمـك علّتـه والجـرح و عـلآجـه
و احـطّ في كـفّـك آخـر دمـع هـلّيتــه

ما دآمي لـ طَيِّبين الشّـور في حآجـه
أبـ استشيرك عن اللي سرّي اعطيته

عن العـذآب و غـرآم و نـآر وهّـاجـه
تـرومـنـي كـلّمـا جـيـت و تـمـنّيتــــه

هو غآلي ٍ ما أحبّ فـ يـوم إحـراجــه
لوهو جرحني بـ اعـزّ انسـآن لاقيتـه

هـذا و انا اللي أدوِّر فَـلَّـة حْجـاجـــه
ليت الخطا ما كثر من صـاحبي ليته

ما اظن الانسـان تحكم حَظَّه ابراجـه
و لا تـظـنّ القــدر في كـف أقـريتـــه

لـو يستمـع قُول له ما همّني حـاجـه
نسيت ما صـآر لي و الجـرح دآويته

لا تعتـذر هـالخطا كم كنت محتاجـه
كـشـف لي اللي بـ قلبك عنّي اخفيته

و ابيـك عَنّي بَعَـد ما تبَلِّغَـه .. نآجَـه
قل له رفيقـك على رآس الجبل بيتـه

أغـآزل الفجـر لا بَـيَّـن لـي اِبـلاجـــه
واقـول فنجـالــي مْـن الغيـم صبّيتــه

و اسـآمـر النّجـم لا خآمَسْت هَـدَّاجـه
بـ مـوق عيني ونـور البَـدر ضمّيتــه

واهآمس العشب وتهآمسني امراجـه
مْهـآمَـس اللي يبي حـبّـك و حـبّيتــه

يا حلـوهـا نسمـة ٍ بـ المسـك دَرَّاجـه
تفوح باجمل عبَق في الكون شمّيتـه

ما ينقصه غير من بالصدق منهاجه
ما ينـوي بـ غــدري ليا منّي اوفيتـه

مايطفي الخآفق المحروق بـ سراجه
مثـل الـذي تـآه في الظلمـا و قـدّيتـه

إذآه حـرّ و يحسّ .. يـعــوِّد ادراجـه
عن الخطآيـا و انا في القلب حطّيته

أبيه عندي يسـجّ الصـدر و خْـلاجـه
لو كان في يوم ٍ ابكآني و ما ابكيته