|
البـارحـه ياصـاحـبـي تـالــي الـلـيـل |
مــرت هواجـيـسـاً عـلـيـه خـطـيـره |
اخفـف الـوزنـه مـبـي ميـلـة الكـيـل |
كـلـه لـجـل مابـيـح بــاق الـسـريـره |
افكـار جتنـي كنـهـا جــارف السـيـل |
وتـقـول للـتـاريـخ سـيـرتـك سـيــره |
يـاقــاري الـتـاريـخ اقـــره بتـحـلـيـل |
واقــرى الخـبـر فـالأولـه والاخـيــره |
اقـره عـن الاسـلام مجمـل وتفصيـل |
وشف انقلاب الوقـت شـف المعيـره |
في ماضي الاعوام في ماضي الجيل |
كـان الرجـال اهـل التقـى والبصيـره |
كانـت تحـث اركابـهـا تتـعـب الخـيـل |
وترفـع شعـار الديـن فـي كـل ديــره |
لسـانـهـم يـقــول يـاسـامـع الـقـيـل |
الـنـصـر سـيـفـاً مــايــرد بـجـفـيـره |
النصـر سيفـاً مـن سيوفـاً مصاقـيـل |
ولاهــو بمعـطـى الا لـنـاسـاً خـبـيـره |
امـثـال خـالـد والمـثـنـى الحـلاحـيـل |
وسلمان وابن العـاص وابـن المغيـره |
وامثالهـم مـن كمـل الفـتـح تكمـيـل |
مـحـمـد الـفـاتـح وطـــارق وغـيــره |
وجاهم صـلاح الديـن عقـب البهاذيـل |
وهـزم جيـوش الكفـر لوهـي كبـيـره |
قومـاً لـيـا شــف الـعـدو جومقابـيـل |
ديـنـه صحـيـح ولايـعـرف الكـسـيـره |
نيـه صحيـحـه تنـشـر الـديـن وتـزيـل |
تزيـل رؤس الكـفـر لـوهـي صغـيـره |
وان كان تسال عـن سـلاح الرياجيـل |
((الله اكـبـر ))هــي كـــل الـذخـيـره |
ودستورهـم بكـتـاب مـاهـو بتضلـيـل |
قــران مـحـكـم للـعـقـول المـنـيـره |
والله مـانـاصـل لـذيــك المـواصـيـل |
لأنـهــا الـيـومــه عـلـيـنـا عـسـيــره |
عـدونــا يـنـصـب لـنــا فالمـحـابـيـل |
ويرمـي علـى الاسـلام نـار السعيـره |
يـقـول ان الـوضــع يـحـتـاج تـبـديـل |
ويسعى لكسب اهل النفوس الحقيره |
لابــه قــوى لـنـا ولابــه لـنــا حـيــل |
(العـيـن تبـصـر والايــادي قصـيـره ) |
اقـولـهـا وانــــا اخــيــل المـخـايـيـل |
وكـــلاً يـعـبـر مـابـداخــل ضـمـيــره |
|