المنصور بن ماجد
ســلام الله عليـكـم يــا الـرواسـي جيتـكـم عـانــي=ســــلام ومـرحــبــا و الـلــيــل يـالـشـعــار لـيـلـيـنـي
تعديـت الخطـوط الحمـر !! قبـلـي مــن تعـدانـي=عسى يالروقي القى اللي على دربي يواسيني
مجمد الروقي
هـــلا يامـرحـبـا ترحـيـبـة مـــن كـــل وجـدانــي=عسـى راع العلـوم الطيبـه ياخـذ ويعطيـنـي
انا ماني بلومك في بعض ماقلت يافلاني=ولا كـل المنـاوي ياعميـل الخـيـر ترضيـنـي
امنصور بن ماجد
انا وشلـون بعطـي تاجـر عـن السـوق يقصانـي=رصيدي صفر ,, كيف اعطيك ياراع الملاييني
لـيـا مــا لمـتـنـي , عـــد الـغـلـط وادمـــح لغلـطـانـي=تــراك الـقـدوة الـلـي يـوخـذ إبـهــا فـــي الميـاديـنـي
محمد الروقي
تركد ياعميل الخير من شانك ومن شاني=علـى شـان التجـارة سـرهـا مابـيـن الاثنيـنـي
انــا مــاودي اكـشـف سـرهــا لـفــلان والـثـانـي=تـــــروح اتــجـــارة الـتــجــار لـلــديــان بـالـديـنــي
منصور بن ماجد
أنـــــا مـــــن بـــعـــد مـاعـســيــت لـــلاوطـــان عــجــلانــي=لـقـيــت إن الـحـمــى مــــا يـقـربــه غــيـــر الـسـلاطـيـنـي
وعرفت إن السلع , في السوق ما قيست بالاثماني=لـيـا بـخـس الثـمـن , والعـمـلـه إلـهــا الـيــوم وجهـيـنـي
محمد الروقي
تبا تخبرني انك ياعميل الخير سلطاني=ونا خابر هل الديره قبل جيتك جشعيني
تجارة في يد التجار كيف ايسوم فقراني=مدام انك تفقرنا فلا دينك على ديني
المنصور ابن ماجد
ليا منه تفشى امر الجشع مع قاصي و داني = بلاش من التجارة يا محمد لا تقاصيني
ندوّر غير سوق البورصة و نجوب الأوطاني = و أنا ما جيت يالروقي على شانك تقاضيني
محمد الروقي
علامك ليش جزت من التجاره ياكحيلاني=ونا خابرك تضهر صيدتك من بين نابيني
انا حسبتك انك جاي تاخذ ريت الساني = وثرك امضيعن عدلتك وتنادي للاقصيني