قبل شهر رمضان الليل هذا مثل ليـل العيـد=عسى ربي يطول عمر من نمشي على نـوره
تهرج يا احمد الناصر وصك الحيد جنب الحيد=ولا تزعل على مستور والاحـوال مستـوره

اظن العيد عيد للجميـع مبـارك وسعيـد=وهذي عادة ما تختلف لعيال اخـو نـوره
عسى من قاد راسك يالثبيتي ما يفيد الفيـد=ترا مستور اخوي ورفقته في القلب مبذوره

ترا عقل البني آدم يا حمد الناصر سواة القيد=يخلي السر دايم صرة في الجيب مصروره
نسيت الفقه والتوحيد والتفسيـر والتجويـد=بعد عودت معهم كل يـوم تلعـب الكـوره

تهرج يالثبيتي انت ابو ما تشتهـي وتريـد=وليا ضيعت دربك نزهدك في راس باكوره
تكايدني واناخا برك رجال تحـب الكيـد=جوازك للسفر ما فيه توقيـع ولا صـوره

عطوك البندقية مار ياجعلك تصيد الصيد=لها روحين صار البندقة ما هيب ممهوره
يجيبون الدوا للعود يبونه يصيـر وليـد=وليا شافوه يعرج بين اهل رابغ ومستوره

تشوف اللي قريبه يالثبيتي ما تشوف بعيد=سواة التاجر اللي في البحر غرقان بابوره
اظن الفقع في جنب الرقه والعلم بالتأكيـد=ولو ما تحسن اللحية لقيت البيض منثوره

انا ما ابغاك تمشي فالدروب العوج يا بوزيد=ولا يطرحك درهام الجمل فالارض عنكوره
انا با خذك بالمعروف وانت العم وانت السيد=رجاجيل الجميلة بين كل النـاس مشهـورة

تهددني ولايزمل عميلك راعـي التهديـد=واخبر الناس يا رجال منهية ومـا مـوره
نبي نرضيك يا رجال والميت عساه شهيـد=وعقب اقرا عليك العاديات من أول السورة