ياوجودي وجد من طاوله شره = كل يوم محـولينه على مداوي
كل ماجابوله علاج ماسـره = يختلف وضعه يلاقيل متشاوي
اخر دروبه على ذعار والحـره = جرته سارح على جرته ضاوي
ماعطاه الا من الصبر والمـره = والكوايا الحاميه ذيبها عاوي
سبة اللي كل ماجيــت بامـره =اعترض لي دونها واحدٍ غـاوي
يتبع الغرات ويقصص الجره =ويتلوا دونـها جعله اللاوي
ياعلي باشكيلك الوجد والحـره =كان عندك حيلةٍ تشبع الطــاوي
انبلشنا وانت شرواك ماغـره = الهنوف اللي على شوفـها ناوي
درةٍ مابعـدها ياعلـي دره =اشهد انها تجرح القلب وتــداوي
كل ماتأقف على البـاب مفتره =ياعذابي لا طرق عودها الراوي
وان تحاكت تنزع القلب وتجره = والله اني طحت ياخوك متسـاوي

سلام للمنتدى واللي يرودونه = واخص بالذات من يقرأ مواضيعي
بالمسك والعود والريحان مقرونه =من حبكة انشائ والتوقيع توقيعي