عيني على حلو الكرى من يلومها=مما جرالي ما تهنت بنومها
البارحة مدري وش الي يقودني=يم القصيد ويم عالي رجومها
اسرجت خيلي فالمعارك واعنها=من صافنات الخيل مقوى عزومها
صفرا تضحي بالعمر دون شيخها=من مربط [الجازي]تقضي لزومها
صمتي ثمان شهور ولاهي بعادتي=خلاء رعاع القوم ترفع خشومها
اللاش والمبدول والدو تحيزموا=وقت ن على الطيب تطاول قزومها
من عادتي جزل القوافي اصوغها=كن المعاني قدم عيني رقومها
سخرت له طرق الهلالي على الورق=جعل العدو يهاب زرقت سهومها
ما ينفع التهديد عندي وملتي=اطى على روس الافاعي مهومها
عندي علاج العي من حامي اللضى=نأسم حواجبها ونربط كمومها
وسم الكعاري شاهدة في حواجبه=ما يمسح عن وجه خصمي وسومها