يا هاجسي يا مروض القيـــــفـاني = يا مرضي الوجـــــدان والقـــافيه
يا عزوتي يا نصرتي وعـــــــواني = تعال و فزع لـي مـــن اللـــي فيه
متضايق ومن ضيقـــــتي زعـلاني = الحال من كثر السهر مـــــــبريه
اجر صوتي واســـــــمع الجدراني = لا رد صوتي بالصــــــدى رديه
النوم من كثر الفكر جـــــــافــــاني = اسهـــــــر طـــوال الليل للفجريه
ما نيب انا أشكى فــــــرقة الخلاني = شكواي تشكي واقـــــــع المحميه
امه وتشــــكي عامــــل النســـياني = همن وفـــقر وحــــالها مـــــنسيه
زاد الــــــــدخل لكن للقــــــوماني = اللي خذى زوده واخذ تـــــــــاليه
يلعبنا التاجر بـــــلا حســــــــــباني = ما خــاف ربه ما خــشى الدوريه
ولامن شكيـــــته قــــــال دور ثاني = يمكن تكون ان شكوتك كـــيديه
خلك بهرجك يـــا ولد عقــــــــلاني = حنا بخير وغـــــــــيرنا مـــبليه
شف وش حصل في معظم البلداني = وحنا نكب الـــــــزاد في البريه
أي بالله اني شايف وجعـــــــــــاني = والفرق واضــح بين ذيك وذيه
وشوف حال الــــبر والــــخـــداني = من الدهور وحــالةٍ مقــــــصيه
واهل الحلال وعيشة الـــــــبدواني = من الغلا كــــــــلن ترك ركبيه
اول علينا يـــــــــرهي المـــــيزاني = واليوم زوده طــــــــير الماليه
وبنوكنا تشـكي مــــــن المـيـــلاني = مهيب من قل الــــــذهب فقريه
ومن خيرنا جانا المعـــــادي عاني = عيد واخــذ له مننا عــــــــيديه
لكن لا تبحث خفى وجـــــــــــداني = ثـــم نرمي الغتره مع الطاقــيه
خلنا نجر الصوت و الالـحـــــــاني = وان ريح الافكار والنفــــــسيه
لحنن وقبلي قـــــــاله القحطـــــاني = يومه شكا لـه شـــكوةٍ مـــرثيه
يشكي وينخا قايــــــده سلطـــــاني = من قل ماله يطــــلب العـــانيه
يشكي هموم الدين والورعــــــاني = ومن شرة الجيران والطـرقيه
خوي ومقرب مـــــن كحـــــيلاني = اسمه مع النواب والحاشـــــيه
ماهو من اللي دونـــــه الــــبيباني = تغفل بلا رحمه ولا مــــا ويه
لكن مدام انه شكا وحــــــــــداني = شكواي جمع ولا تجي فـرديه
دام الشعر رسالة الانســــــــــاني = رسالتي باسم امةٍ معـــــــــنيه
أمثل أهموم الشعــب بلـــــساني = حلمي ومنه مـا غســلت أيـديه
لين ان يأخذ ربي الــــــــرحماني = أمانته والنفس لـــــــه المرضيه