::قالـ ـت انتبـ ـ ـه باقـ ـــ ـ ـ ـي علـ ـى شفتـ ـ ـ ـك روج::
يا عين من حطيت عينـــــــي بعينـــــــه
و أبطيت واقف في بحر عينها مـــــوج
أبحرت في عينه بليــــــــــا سفينــــــة
سجيت فيها لين ضيعني المـــــــــــوج
حاولت ألد الشوف عمــــــا يهينــــــــه
ولا انتبهت إلا و أنا فيــــــه مهيــــــوج
شفت الفتن في ملتقى حاجبينـــــــــه
والسحر في عينه مع الزين مدمــــوج
اسود سواده لا بستــــــه السكينـــــــة
وابيض بياضه طايش اللون مرجـــوج
زاوية طرف حاجــــــــــز ٍ دمعتينــــه
لولاه كان الخد بالكحل مـــــــــمزوج
كاسيه رمش ٍ زاد ملحـــــــه وزينـــــه
من فوق متكحل ومن تحت مدعــــوج
بين الرموش السود شفت الغبينــــــه
واللي رماه الرمش ماعاد له بـــــوج
مرت ثواني من حياتــــي ثمينــــــــه
و أنا أتهادى بين الأشـــــــــــواق و أدوج
مرت و أنا قابض علـــــى راحتينــــــه
واقف مقابل لها وساهي و مدلـــــوج
مدري وش اللي صار بيني وبينــــــه
والقلب ما رده أضلوعي العــــــــوج
ولا انتبهت إلا بسحبـــــة يدينــــــــه
قالت أنت تبغى الناس تلحقني بهروج
قلت اعذرِي اللي شافك الله يعينــــــه
يبطي ودمعه بعد الفراق مزعـــوج
عينك بنظرات الغــــــلا مستهينـــــه
قالت غلاك في داخل القلب منســـوج
قلت الوعد قالت كل شي بحينـــــــه
الله يفتح لك من الضيقة افجـــــــوج
قالت آآه .. طيب شف لي الدرب وينه
و قالت انتبه باقي على شفتــــك روج
مما رااااااق لي : لهووووفة