ياقوافي الشعر لحظة أستعدي = ناوي (ن) لي نيتن ماهـي خطيه
أستعدي وأستعيني وأستمدي = من معان الشعر زيناتن نقيه
لابنيت البيت بنين مايهدي = ولايجي في بني بيتي أي سيه
ولاطلبتس يالقوافي لاتردي= لاتردي مطلبي بيات شيه
والله أنـي مستهيض ومستودي= مستود(ن) بدع قافـي وماعلـيه
ماعليه من يجيب ومن يودي = من يجيب الطيب يأخذله حليه
ومن يمد الناقصة ماهيب عندي = ولانجازي بالردا وحده رديه
الوفا والطيب هي ميراث جدي = ورثنا من جدنا ترك الخطيه
لو بقدم لردا تنقص يدي= قدم لاتشهد وتبصمبه يديه
عارف (ن) لطيب وبذكره أعدي= وقفت الرجال لاساند خويه
لاوقف معيه وقفاته تسدي= ولاهرج هرجه كما الضربه قويه
مثل ضرب السيف عقبنه يحدي = من يمين الشيخ حماي المطيه
عقب مانادا وبالعزوه يمدي= مد صوته لرجال أهل الحميه
أستشد بعزوته وهيه تشدي=كل رجال(ن) يعرف أسم العزيه
كان أبه شجعان في علمي تلدي= وخذت البل ياعرب هاذي بليه
وأركبوا فوق المهار إلي تعدي = لطراد وللحق تبعد مديه
والحقوها وشاف خصمه مستعدي=للمواجه رجل حاسيله حسيه
ثم شهر مثل الحرار الي تهدي = يم خصمه ذوقه طعم المنيه
مثلها ياصاحبي فزعتك عندي = فزعتك مابه والا ليها حليه
أنته الصاحب وهاذا هو ودي= لازهمتك تستعد بضرب التحيه
ولا أمرتك تستحي ثمن تودي = مقصدي للي يعرفون الخفيه
ظاهر امخفي والا فيها ملدي= افهموها رابط المعنى بليه