شبكة رواسي نجد الأدبية - عرض مشاركة واحدة

27-09-2024, 06:00 PM

هذه محاورة جمعت الشاعرين العملاقين والذين لم تنجب الساحة الشعرية
مثيلاً لهما وإليكم المحاورة:

مطلق الثبيتي:
سلامي على أهل الحله اللي لها شان رفيع
وحنا نجيها في ليال السعد ونزودها
ليا جيت في سوق التجاره لابد اشري وابيع
ولاأكفي حياض العد من يوم جات ورودها

عبدالله المسعودي:
هلا مرحبا ترحيب يضفي على روس الجميع
سواة الدوا لقلوب بعض العرب وكبودها
سبور السوالف وايقت كل ضلع وكل ريع
عيال الحلال ليا محل الحياه تقودها

___________________

مطلق الثبيتي:
بغيتك تسافر يم لندن شتا ولا ربيع
وخابرك ماتسلى جبال تصيح قرودها
ترى اللي سواتك يسمع العلم لابده يطيع
ليا شاف درجتها تساوت على بارودها

عبدالله المسعودي:
غدا راعي الكبسون تقرع على جنبه قريع
يبا يستحل بلاد صنعا كثير ها
انا عرف ان السمين طيب ولكنه يميع
يدين تغمس فيه بيسيل فوق زنودها

مطلق الثبيتي:
يضيع العمى واللي عيونه سليمه مايضيع
ولا ينقل اللي في نحرها نشب عبرودها
وانا ماسبرت اللي تدرق ورا سد الوشيع
الف الجنازه في كفنها وارز الحودها

عبدالله المسعودي:
من اللي يدور للبن بعد شهر من الضريع؟؟
وش اللي يصيده بعد يوزي فمه فديودها
ترى المقبره حمرا وغبرا وحلم الله وسيع
عسى تشرب الشجره وتحيا ويخضر عودها

مطلق الثبيتي:
لو انك تغمض نص ساعه يسبعك السبيع
وتخدمك ضباط السريه بكل جنودها
لكنك تعلمت اللكاعه وسموك اللكيع
تبا الشيخ يقبل دعوة مالقيت شهودها

عبدالله المسعودي:
بعض قوم لاتصنع ولاتعترف بامر الصنيع
عرب غافله تقرع على القافله بإشنودها
ولا يامعلّم خير ماانته متين ولا رفيع
تبا تبلع الخنقة وتوبه ماعاد تعودها

كديميس السيحاني معجب بهذا