شبكة رواسي نجد الأدبية - عرض مشاركة واحدة

20-08-2024, 03:27 PM

إن شفت رجمٍ على مشراف عدّيته

لين أتِطلّع وأشاهد روس الأقذالي

والروض الأخضر يونِسْني لِيا جيته

وشوف النفل والخزامى هُو دوا حالي

يا زين ريحة شذاها يوم شمّيته

نبت الطبيعه لها بالقلب منزالي

وشوف المغاتير في جوٍ مفلّيته

وضحٍ مزايين تشبه وضح فنجالي

ورَاع الدّبش في طرَفْها بانيٍ بيته

للضيف في ربعته ممسا ومقيالي

درب لِيا جيت بيته ما تعدّيته

تبشر بفنجال بنُّ وفال وعقالي

وحزة رجالٍ على الطيب مْتواصيته

ما غيرّتها العصور وْبعض الأجيالي

وشوف الحباري مع القاع مْتمثنيته

يسوى حياة المدينة يا بعد حالي
.................................

شعر: سهل بن بندر العتيبي

ناصر الهواوي معجب بهذا