على شان ويش تدفني يم الاوهام
وانا قبل اعرفك ما عرفت المذله
تبا تكشف المستور دوراة الايام
وتظهر مع دوراتها كل خله
انا ما هقيتك تزرع بدربي الغام
وتغرس وسط قلب وثق فيك عله
تبيع الغلا* وتهمشه ` لجل نمام
وسيفك على عرق نبض لك تسله
هدمت الثقه كذبٍ وتزوير وآثام
وعلمٍ كتمته بان دقه وجله
تجرعت خذلانك ونكست الاعلام
ولا عاد ينفع دمعك اللي تهله
تسببت في حزني وشمت الأقزام
وفكيت باب الهرج زلتك زله
تغربلني أفكاري وتقسمني أقسام
ولا عاد للأعذار شرع ومله