الموضوع: ودي اجيك
عرض مشاركة واحدة
قديم 01-07-2023, 10:57 PM   #1

الصورة الرمزية عبدالله المشعلي
عبدالله المشعلي غير متواجد حالياً

بيانات اضافيه [ + ]
 رقم العضوية : 475
 تاريخ التسجيل :  Aug 2009
 أخر زيارة : 14-07-2023 (12:40 PM)
 المشاركات : 10 [ + ]
 التقييم :  10
لوني المفضل : Cadetblue
افتراضي ودي اجيك




ودي اجـيـك وحال مـن دونك اسـباب
واسـرارنـا يعـلم بهـا عــالـم الــغـيب

ما وصـّـل الـمـنـدوب يـمـك ولا جاب
خـوف من اللي يكشـفـون الـمكـاتيب

لـكـن اليـا دار الـفـلك والهـوى طـاب
ترى عليـك الـنا حـقـوق ومـطـالــيب

نبغـي نسـوي ما يســوون الاحبـاب
والا الـغــلا مـا فـيــه شـك ولا ريـب

انـا اجـنبـي وانـت من ديـرة اجـنـاب
والحـب جـمّعـنا عـلى العـز والطيـب

والوصـل يـا بـوذبـلٍ صـف وعــذاب
واجب على اللي يعـرفون المواجيب

لا نامت عيـون العـرب والقمر غـاب
نـاد الحبـيـب وقـابـلـه بـالـتـراحـيـب

واجلس معي يا صاحبي واقفل الباب
انـتـه وانا واللي وراء الباب للـذيـب

عبد الله المشعلي
1425/1/1


 
رد مع اقتباس