يا مؤمنه بالحب في قلبي ايمان
من راح من كيفه يعود بكيفه
الكذب تشتيت العلاقة وخذلان
واكبر دليل ان العلاقة ضعيفه
ودك تلاقي لك عذر مقنع احيان
يضغط على جرحك ويمنع نزيفه
زيف المشاعر ما عسف راسها احسان
أوراق غصنٍ ساقطه في خريفه
ما عاش ود وثار للشك بركان
ولا شافت النور العيون الكفيفه
كنا وراح الي بنيناه مع كان
ما باقي الي ذكرياته وطيفه
من قالوا ان الحب للقلب سلطان
صارت نهايات المحبة سخيفه