شبكة رواسي نجد الأدبية - عرض مشاركة واحدة

26-04-2023, 11:58 PM

مـ احلا نسيم الليل لامن سرى الليل
فـ المزرعه ياسعود والجو هادي

يطيب لي حلو السهر والتماثيل
تطيب لـ استرسلتها من فوادي

واعيش معها جو من غير تمثيل
هو حلم والا علم وش كان, عادي

واعيد واستعيد واحط واشيل
في عالم الذكرَى حدَى الفكر حادي

مدري مع اللي رااح والا المقابيل
والعمر يقضي والليالي جْدادي

وابليس من بعد رْمضان اسرج الخيل
مربوط لين اطْلِق سراحه وعادي

خَذْني وانا ماني بَحَقّ البهاذيل
قبله وانا انعم فوق ريش الوسادي

ناصر الهواوي معجب بهذا