شبكة رواسي نجد الأدبية - عرض مشاركة واحدة

29-08-2022, 01:06 AM

اقتباس:

المشاركة الأصلية كتبت بواسطة ناصر الهواوي

ياللروعه
شاعرتنا صح لسانتس ولا فض فوتس والتكرار يقولون ان السكر ما ينتج الا بعد التكرير المستمر ههههههه
ابا اكلم المدير يشوف لنا حل بالمشكله
ارحب يابو منصور وصح لسانك حتى ترضى مبدع الله لا يضرك
والتحيه موصوله لرحيل وخيال والجوهره ولكل الرواسي والراسيات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ابا ارمي الكوره على قدر ما اطيق
لو كان مالي في هالاثنين طاقه

شوتة غشيم وعلها بالتوافيق
لو يرفع الكرت الحمر لي بطاقه

يانجد ياكديميس ابي بعض تعليق
وشرح يفك المبتلش من وثاقه

دربٍ مشيته طوع كله مزاليق
ورغم الوعوره به عشقته عشاقه

ليا ابتديته بي يغيَّب ولا افيق
الا وانا قد جزت حد الحماقه

قدام باب وواقف وناشف الريق
تقول في مجرى النفس جاء انغلاقه

وكل المشاعر خاضعات ومدانيق
لسبابتي في همزة الزر فاقه

لي فيه من مبطي عهود ومواثيق
حتى الهجوس اظن له به علاقه

واخشا البطا قد مزق العقد تمزيق
ونسيه من مده ولا اقول باقه

واسمع مفلق هيبة الرجل تفليق
في رد من طبعه هدوء ورواقه

يقول لي علمٍ يحش المعاليق
مالي جمل في ما انت تعني وناقه

ولا يصير لي فرصه لفتح المغاليق
ويشوف توقيعه ويقرأ اتفاقه

بذيك السنين اللي شجرها مواريق
ولا يذكر لخزن الجفون انهراقه

ارسلتها واسترسلت يالمطاليق
وختامها لكم من الورد باقه

صح بدنك وصح لسانك يـ الهواوي

هيضتني شاعرنا وجت هـ الابيات
أنت يمكن مزح وتسالي
وانا الوقفه عـ الباب والتأمل مرت علي من جد....

مالي انا ومال الهوى والعشاشيق
ياللي سرق قلبك وليفك سْراقه

تشكي الغرام وجاير الشوق وتْضيق
وهيضت قلبٍ زايدٍ بـ احتراقه

وخذيت لي مع جولة الفكر تحليق
بـ اسباب قافك يوم الارسال ساقه

وقْفَتْك عند الباب تكتب طواريق
وهجسٍ خذابك فـ القديم انطلاقه

حرك شْجوني واغرق الخد تغريق
دمعٍ جرَى ياقو حر اندلاقه

ذكرتني بيتٍ جْسوره شواهيق
كف الكرم يلمع عليها براقه

وقّفت ساعه عند بابه بتبريق
في كل شبر وكل غرفه وطاقه

أنشد دْلاله,مجلسه,والاباريق
أبوي وينه؟سمّ حالي فْراقه,

عبدالله الصقري ,الجووهره ,ناصر الهواوي و 1 آخرون معجبون بهذا