شبكة رواسي نجد الأدبية - عرض مشاركة واحدة

18-05-2022, 07:36 PM

من القديم
مساك بالخير ياتاجٍ بليا قصيد=الا نوادر لشعارٍ غدت بايته
قلت اسنحك واتصفح فيك لجل استعيد=اوضاع حلوه مضت بسنيننا الفايته
يوم المغنين تبدع والمتابع سعيد=ومديرنا من فعوله نشكر ولايته
من قبل زين النوايا عن مساره يحيد=و(صح الله لسان)كلٍ صارت هوايته
وقريت صفحات ابو بندر وفيها نشيد=وارى ابداعه لصوغ البيت وادرايته
وفتحت متصفح اللي للقوافي عميد=رمح الغنانيم دايم خافقه رايته
وما دون محمد العواد بي جاب عيد=بعض المواضيع من نفسي بلغ غايته
والقرني اللي قديمه لاقريته جديد=اللي مجال التكلف بايسره شايته
وابداع سامي ومذكر امر ثابت واكيد=يشرح صدر من قرا لو كرر قرايته
وياروعة بيوت ناقدنا لو انه يريد=مكره اخا لا بطل من وينها جايته
والعاصمي لا بغى حبك المعاني يجيد=يحيي بقاف الغزل مشاعرٍ مايته
وعن شاعرة نجد في هالباب مالك محيد=خبير الابداع عنها كرر وصايته
يقول ياللي تبي تقرا البديع المفيد=باصفى وجه له قصايد هذي مرايته
وريم الفلا تنحته بل تسبكه من حديد=على البديهه تصل للهاجس املايته

رحيل ,عبدالله الصقري ,الجووهره معجبون بهذا