شبكة رواسي نجد الأدبية - عرض مشاركة واحدة

25-03-2022, 03:36 AM

من الذكرى والذاكرة
^^

يا هجوسن كلما نسنس الرايع تثور= وكلما هدّيت روعي تجيني ثايره
من صبا نجد العذية هواها كالبخور= يوم هبّت ريحها شفت روحي طايره
أنتشى هاجوس فيني وفي رأسي يدور= والعيون إتلامست من تلامس( وايره)
وأنسكب دمع المحابر وسالت في سطور = والتقى مع سيل شوقٍ غدت متسايره
والقوافي ساعِيَتها وتسبح في بحور = ما عيَت بالحِمل لو كان حَملة جايره
ذاك حال الشعر .. والحال ما هو بالجسور= من حمول الصبر ظلت عزومه خايره
كم تحمّل بردها والسوافي والحرور= وكم مشى في خط يشبه محيط الدايره
واه يا ريح الصبا كم سرينا في برور= نرقب النجمة وساق الخطاوي حايره
ما جنينا غير مرّ التعب فوق المرور= والضنى والشوق فينا جروحه غايره
والله يا لولا الأمل كان صرنا في قبور= والأماني طِبّ منهو عروقه فايره
ليت نسناسه يغيّم وينثرها زهور = ومع هبوبه في العصاري تجيني زايره
وليت يقبل دعوتي له ونقضيها شهور = نقلع التعبة ونرحل على أول طايره

^-^ - ^-^

عبدالله الصقري ,رحيل ,الجووهره و 3 آخرون معجبون بهذا