شبكة رواسي نجد الأدبية - عرض مشاركة واحدة

06-02-2022, 11:41 AM

( مكررة )
**
سلامي للجماهير والأعضا وشُعّار = وأكرر للرواسي سلامي والتحيه
وأخص الشيخ ناصر وعندي بعض الأخبار= عسى شيخ الهوى دوم في صحة هنيه
طلبت أخوك في قاف يعزف مثل الأوتار = ونغمةْ حرف ْتطربْ أذان السامعيه
وأنا والله يا صاح ما ودي بالأعذار = ومثلك غالياً لو طلب ، جتْهْ العطيه
قصيدي فيه نغمة لمن يفهم بالأسرار = وشكوى حال ما تنكتب بالأبجديه
ثلاث سْنين والحال في حالة ومحتار = ونفسٍ بين شد القُوى والجاذبيه
أسلي النفس بالفضفضة في هيض الأشعار = وأمنّي الروح في راحة النفس الشقيه
قصيدي فيض من هيض دونه سبرالأغوار= وفكّه في يدين القلوب الشاعريه
رهين الحبس في حبها والقلب مختار = أحاطت بي وحطّت قيودي في يديه
أرى فيها البرودة وفيني جذوة النار = متى صيفي يذيب الثلوج العاطفيه

&&&

نواياك في جوّ السماء والمطر ما هلّ = بَعَد راعدك في البحر يا ناوي الهَلّه
أراقب خيال الغيث من مرقبات التلّ = عسى جيّتك تجري كما سيل من تله
تمنيت رشةْ تبرد الجوف وإلا طلّ = هطولك لعيني يشبه البدر بالطلّه
ثوى في حنايا الصدر حُبك بها وأحتلّ = وعلّق لك الأنواط والتاج والحُلّه
وفي روضة الوجدان كادي وورد وفلّ = وفي ساحة الأشواق فَلة على فَلّة
وفي وادي الأسرار بيري ومنها عِلّ = وجودك بجاله يالدوا يبري العِلّه
خذ العلم من قاصيه بالكاد وإلا خَلّ = حبال الوفاء تربط خليلٌ مع خِلّه
وأنا بختصر وأقِلّ وأعطيك مما دلّ = كلامٍ من الهاجس كما فايح الدلّه
من المستحيلات الثلاثة وجود الخِلّ = مَثَل ما صدق، وأفكار بانيه مختلّه
تراك الوفا والخِل واللي بيدْه الحلّ = ونجدة هوانا في رِحاله وفي حِلّه

^^
وسلامة الجميع ،،

عبدالله الصقري ,رحيل ,الجووهره و 3 آخرون معجبون بهذا