شبكة رواسي نجد الأدبية - عرض مشاركة واحدة

28-12-2021, 12:10 PM

ياقاف ياللي شحتني للغنا شوح
وهجسي يدور من طرب ما غداله

اقول ما ارجع له متى عنه ما اروح
قاف العتب ياهجس عطني بداله

اعرف انا مالك بمادح وممدوح
ولا انتب مسوي بهرجه بالوكاله

تسرج ركابك كل ما شفت مملوح
هذا غرض عينك وهذا لحاله

ان غنت ام الطوق بدري على لوح
ولا التعج برق المساء في خياله

من حر ذكرى ما مضى صدرك ايفوح
يغوش غوش وحالة القلب حاله

يالنود قولي له على الهجر مسموح
بالبال هو لو ما طرينا ابـ باله

فدا عيونه والخطا منه مدموح
لو ذيب شوقي كل ما امسا عوى له
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
الله يغربل شيطانتس يا شاعرتنا اشجتني هالعذبه
وجاريتها بما تيسر صح الله لسانتس الى مالا نهايه لافض فوكي
وحيالله خيالنا ما فتحت الروابط لاني على طرف سفر ولاهنت

عبدالله الصقري ,خيال مطير ,الجووهره معجبون بهذا