فترة نقاهه للمشاعر والأحلام =
والا استراحة للمحارب وكرّه

ماجف حبر ولا يكلّن الاقلام =
والفكر يلعب مع نجوم المجرّة

خضنا بحور التجربه طول الأعوام =
و بعض التجارب طعمها حيل مرّه

و لو ماغرقنا ما صحينا من الأيام =
و لو ما المضرة ماعرفنا المسرّه

اضحك مع الأيام لو لايمك لام =
عبوس وجهك ما يجيب المبرّه

لو نحسب ايام السعادة بالارقام =
خير الليالي يرجح بوزن شرّه

،
،،
،

رحيل ,عبدالله الصقري ,خيال مطير و 2 آخرون معجبون بهذا

ناصر الهواوي ,الجووهره

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه