شبكة رواسي نجد الأدبية - عرض مشاركة واحدة

24-10-2021, 10:22 PM

اقتباس:

المشاركة الأصلية كتبت بواسطة ناصر الهواوي

صباح الرضا والورد للشيخ ابو منصور=يعم الرواسي من ذكرهم الى انثاهم
رضا الرب والا الورد من فوقهم منثور=لكن كثرت الغيبات ما اعرف وش جاهم
وانا اليوم قررت اعتق المعتقل بالفور=ويختار من يسجن بداله وهو فاهم
يسمع ما يجي بالمهرجان وغدا مقهور=على ما يشوف الشله ويسمع غناهم
وانا ابا انصحه لو راح لا يقرب المحظور= والافضل لو انه صد عنهم ولا جاهم

،
،،
،
لافض فوك ولا انلجم لسانك

هلا مرحبا بك ثم بعد ذا صباح النور =
على اعضاء الرواسي مِن الاول ليا اتلاهم

يجي من يغيب ويقتنص فرصته مسرور=
مشاغل حياة ، و نوب يقْرَب معشاهم

صدر حكمه القاضي ، ولا عاد ينفع شور=
و محابيس سجن القاف يا وين سلواهم

و صلاحية المسجون توحي بحكمٍ جور
ما دامه بسجنه قطعة ايام ينخاهم

سمعنا وسلمنا لا محابي ولا اشهد زور=
و راعي الرعية وين دوره بمرباهم

محد يجبر الراقص محد يجبر الجمهور=
عسى الله يعافينا و ياكبر بلواهم
،
،،
،

رحيل ,عبدالله الصقري ,ناصر الهواوي و 2 آخرون معجبون بهذا