يا طرق قافي لـك علـيّ الملازيـم =
لأوصّلك معهـا النجـوم وقمرهـا

وبين البدو والحضر ما شافت الضيم =
ولا فيـه مخلـوقٌ بسـوءٍ ذكرهـا

قالوا تهيم وقلـت مـا كـلٌ يهيـم =
ولا كل من يبنـي طروقـه عمرهـا

تعبير عن صوره لحـدي مراسيـم =
و من هيضت للقاف ربـي سترهـا

طارت من الفرحة تبي تعانق الغيـم =
وهب الهواء غربي وطيّـر شعرهـا

يامـا تمنـت للجناحيـن تصميـم =
حتى تعانق هـام سحـب ومطرهـا

في روض فيه الطير غنـا ترانيـم =
تطير من روضه ما احد قص اثرها

غنـت ويلفحهـا رذاذٌ مـن الديـم =
مدري الغنا من فـرح والا قهرهـا

وبيّن على صافي المحيـا تقاسيـم =
يعلن عن افراحه ويقطـف زهرهـا

وتطرب ليا شافت سحـابٌ مراديـم =
وتاخذ منه لقطات تدعـم صورهـا

لو قلت هذي ريم اغارت من الريـم =
والريم منها اغارت بوصفها ارهـى

والشاعر الموهوب حسب التعاميـم =
لا يذكر الأسمـاء بنظمـه دررهـا

على سلوم البدو عشنـا المفاهيـم =
و صفـا النوايـا والنقـاوة فخرهـا

وعلمي بها تتبع لوضح ومجاهيـم =
يوم انسجت بيت الشعر من و برهـا

وعهدي بها يوم انثعـاب المرازيـم =
في آخر نجوم الوسم نجمه سبرهـا

عبدالله الصقري ,ناصر الهواوي ,الجووهره معجبون بهذا

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه