شبكة رواسي نجد الأدبية - عرض مشاركة واحدة

05-10-2021, 02:22 PM

تسالي الظهريه

‏خل النظر يمة نجوم ٍ مطله
‏مالك ومال الناس نبحث خفاها

‏لو تبذل المجهود والمال كله
‏الناس صعب انك تحقق رضاها

‏لكن نزّل كل رَجل بمحله
‏خل البشر تبقى على مستواها

،،،،

‏خلك سما واترك هل القاع للقاع
‏وارفع عيونك ، للنجوم المطله

‏وخلك مثل ما قيل للعزم تبّاع
‏مافيه صعب ، إلا وربك يحله .

،،،

يالله ياللي كل الاوقآت ندعيه
ياوآحد يضفي على النآس خيره

ماله شريك ونبتهل له ونرجيه
وحده عليم بما تكن السريره

يالله بوسم يحيي الارض نآشيه
ماله شبيهٍ بالسنين الأخيره

وتربع ادباره وتخضر أرآضيه
وتفوح طول الوقت نفحة عبيره

ويعم خيره باوله لين تآليه
وتفرح به العربآن في كل ديره

محمد عوض الغيدآني

كديميس السيحاني ,شاعرة نجد ,ناصر الهواوي معجبون بهذا