خصيم نفسي وضد عداي
بشرعٍ و عُرف و قوانيني

و اليوم مع حيرتي مسراي
طوّل وهمي يناحيني

و ما كلش اطوله بيمناي
حتى لو انخى السياحيني

كل(ن) يبي يجتهد بالرأي
ولا فيه رأي(ن) يقديني

و يا هاجس الشعر روّح جاي
لك خمسة أشهر مجافيني

و اليوم تسمع رفيع نداي
دام المخاليق غافيني

اسهر معي واستمع نجواي
بأبيات شعري و تلحيني

غيض الحزن في الحشى له ناي
و يسورق الدمع من عيني

و اضحك مع الناس من دنياي
و اقول ياربي تعيني

يالله بك عاقد(ن) رجواي
راجيك في العسر والليني

للقادر المقتدر ملجاي
سامع , يجيب المناديني

من امتحن صبري ءبلواي
قادر من الهم ينجيني

ما غيره ابث له شكواي
و ادعيه دعوى الملحّيني

الجووهره معجب بهذا

لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه
درب الموده يضيع بساحة احلامي= مزن الحيا في حياتي تكشف بروقه