شبكة رواسي نجد الأدبية - عرض مشاركة واحدة

02-09-2021, 05:24 AM

يا وردة الفُل ما أدري زهرة الأرجوان
يا نجمة الصبح يا حلمٍ بترنا يده

ليت العمر يسعف اللي ما خدمه الزمان
اللي غدى محزمه وعمامته وسنده

خال الخيال بعيونه لين وصل المكان
ومن يوم وصل المكان اللي يبيه فقده

كان يتحرى المطر والعشب والديدحان
لكن ما عيّن إلا بارقه ورعده

ويا مهرةٍ ما عسفها اللي يعسف الحصان
واللي يفكر يطاردها يموت جهده

في نجد عاشت بليا سرج والا عنان
ويا حظه اللي لقاها والله إن تسعده

أقفيت عنها وأنا حرٍ يخاف الطمان
حتى لو إنها شموخ وهقوةٍ مبعده

مير الهوا ما تهيا..لين فات الأوان
والطيب يبقى شذا ذكراه ما نجحده

((وردة الفُل))

الجووهره معجب بهذا