يا ليل ليت النجوم السارية ترسل مراسيل=عبر قناة الفضا والتقنية و الليل ساري
يا من يجاوب لدن النجر و يحوف المعاميل =ويفك شفرات الانترنت و يهدِ الضواري
اشوف للخيل عج و للمعارك تسرج الخيل =يا هاجس الفكر شديت الرسن بايع و شاري
يسترسل القاف و اسبح في بحورٍ مضلمه ليل =و الله وهبني فراسه ، لو لزمت الصمت داري
ما يُصدر الحكم شبهة ظن ، بعقول الرياجيل =و لا يفسر بما خالف لتفسير البخاري
وليا نظمت القوافي و صف سلسال وخلاخيل =ما اجيب وصف المفاتن والفتن فتنة لقاري
لو ان قلبي خضر ، والغي ودروبه غرابيل =الشيب يحفظ وقاره ، والمقدر غصب جاري
وليا نويت اقطع الفرجه ،، دليله في المداهيل =دليل غدرا ولو ما قيل يا ذيب الغداري
و في عالم الصمت مالي معترك في الحط والشيل=ما عاد لي في النقاش اللي بلا منهج حضاري