شبكة رواسي نجد الأدبية - عرض مشاركة واحدة

14-01-2021, 12:39 AM

أهداء لمديرتنا الجوهره

الجوهره وشلون تمشي على القاع
حسبي على من جابها من بحرها

اثر البني فيهن تشاكيل وانواع
فيهن جمال وفيهن الله سترها

بعض البني تشري الذهب يوم ينباع
تبيه يستر حالها ويعمرها

وبعض البني مثل الذهب تلمع الماع
ضاع الذهب من يوم حط بنحرها

والجوهره غطت على كل الاوضاع
وش هي ديانا يوم ننشر صورها

والله لو ما تلبس حجاب وقناع
لا نشوف نصف الكون يمشي باثرها

ويمكن تحكم الكون ويصير مطواع
ويمكن تحكم الكون بس بنظرها

ليا طالعت جو محل صار مرباع
وليا أشرت لغيمه تهاطل مطرها

ولو أشرت يم الكواكب بالاصباع
كل الكواكب حولت مع قمرها

هذه ثلاث سنين عاشق وملتاع
والرابعه توني داخلا في شهرها

لا اطلب من الدنيا ولاني بطماع
بس يحرسها ربها من بشرها

عمر المطيري

عبدالله الصقري ,رحيل ,حمد الخالدي و 1 آخرون معجبون بهذا