شبكة رواسي نجد الأدبية - عرض مشاركة واحدة

12-01-2021, 10:05 PM

صح لسانك ابو عبيد ^
قصيدة “سجة مع الهاجوس طبيعتن لي

سجـه مـع الهاجـوس طبيعـةٍ لـي

طبيعـةٍ بـامـوت مـاجـزت عنـهـا

اشكي على الخلاق وارفـع لـه يـدَي

لاكـثـرت الافـكـار يـفـك منـهـا

اما الكرم قـد فـاز بـه حاتـم الطَـي

حتى الفرس من شان ضيفـه طعنهـا

خلوني اكرم فـي حياتـي وانـا حـي

لامـت مـادري جثتـي مـن دفنـهـا

خلقـت فالدنيا وانـا مامعـي شــي

وبـروح منهـا مامعـي شـي منهـا

لابـد مانرحـل عـن المـزح والغـي

ونسكـن بيـوتٍ قبلنـا مـن سكنهـا

مسكين ياللي تحسـب الواجـد شـوي

العافيـه لـو تنشـري وش ثمنـهـا

يا جاهـل الدنيـا تراهـا كمـا الفـي

يا مخبـل اللـي فـي حياتـه ضمنهـا

ان ناحرت لك قامـت تـروح وتجـي

مثـل الذلـول اللـي طويـلٍ رسنهـا

وان دبـرت خلتـك طايـح ومـرمـي

وكـم واحـدٍ لـه حاجـةٍ ماضمنـهـا

يا الله عسى الحسنات تقضي على السي

لا قربـوا للنفـس ذرعــة كفنـهـا

عبدالله الصقري ,حمد الخالدي ,رحيل و 2 آخرون معجبون بهذا