لا حكا كن السحابه وبلها ينهلي
‏ومن كلامه كن قلبي يلعب المرجاحه

‏كل ما فيني يرحب به غلا ويهلي
‏لو أبا أخبّي شعوري نظرتي فضاحه

‏قربه يبرد على قلبي ويشفي غلي
‏أستريح الراحه اللي حيها من راحه

‏الوصل يا مرحبا به والفراق يولي
‏يالله أجعل قلبي بوصله تدوم أفراحه



_________________________


جعل ذعذاع الهبايب لا ذعذع واستدار
يستدير بـ مقفيات المخايل و القنوف

تجتمع مثل المواليف عقب الانتظار
وتنثني مثل المطاليق في وجيه الظروف

كن دجاها لا تناثر على وجه النهار
الجديل اللي يتناثر على لبة هنوف

تاخذ اسبوعين نفس الغزاره والمسار
المطر مثل المطر والوبل كبر الكفوف

الجووهره ,خيال مطير ,عبدالله الصقري و 1 آخرون معجبون بهذا

ناصر الهواوي

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل