شبكة رواسي نجد الأدبية - عرض مشاركة واحدة

24-10-2020, 11:28 PM

كفآله رحووله
أبيآت مختآره من الذآئقه

شبيـت نـار الذكريـات وتقهـويـت
. . . . . مـن دلة بيـن المعاليـق فـاحـت

وسجيت مع ركب المواجـع ولاجيـت
. . . . . إلّا بعـد ماراحـت الـبـال راحــت

وأبطيت أكرر جمـع الأيـام تشتيـت
. . . . . ياكثـر ناس عـن بعضهـا تناحـت

هذي هـي الدنيـا لغزواتهـا صيـت
. . . . . وإن فرقت بيـن الثنيـن إستراحـت

،،،،

درست فـ الدنيا على يدّ الظروف اربع مـواد
الحب. والاصحاب. والاقراب. والوقت الـردي

الحب:- يعطي للغريب بلاد لـو ماهـي بـلاد
والعاشق اللي ماطغى عقله على القلب يغدي

والصاحب:- اللي بينك وبينه حصل ملحٍ وزاد
أوفي معه لكـنّ لاتضمنـه وتـروّح فـدي

امّا القريب:- اعطه حقوقه واخذ خط الابتعـاد
خلك بعيد تصير في عينه مثل نجم الجـدي

والوقت:- لاتعطيه وقت يلبّس ايامـك سـواد
عش يومك وخل امس مات وخل بكره يبتدي

،،،،

في ضحكتك مرسى تعب كل الأيام
وفي دمعتك موت الحياة الجميله
في لهفتك غيم ، ومواعيد ، وأحلام
وفي نظرتك ،، قصة غرام طويله

،،،،

كنت ضآآمي وكآن كآسك لي عنّـآ
آرتشفته من كثر مآأنآ : ( آبـيـك )

ألـف موعـد " مآت " بيدينك | وأنّآ
ألف شرهه تسكن بصدري عليييك

،،،،

داعبتنى من الغلا نسمة شمال=
هيضت شجون قلبى من جديد

نسمة مرسولها سحر ودلال =
احتضنها الشوق بانفاس القصيد

ذكرتني حب نسيانة محال=
وامطرتنى بالغلا عطر ونشيد

صورتلى من العنامعنى الوصال=
وصادق احساس الوفا لحب الوحيد

هى رسول الشوق من وافى الخصال=
الحبيب اللى عن عيونى بعيد

كل مافيها معانى للجمال=
رقصة النسمة لها معنى فريد..!

ناصر الهواوي ,عبدالله الصقري ,رحيل معجبون بهذا