شبكة رواسي نجد الأدبية - عرض مشاركة واحدة

21-10-2020, 11:05 PM

ابشري رحيلوووووووه ألخبز أكلتها الفيران ابشري بالعوض هههههه هههههه
..........
يابنت ياللي تطوي الثـوب الأرداف
شط الحـوار بـدر بكـر(ن) يميحـه

في مرتع(ن) عشبة تغريف تغريـاف
وأمـه هجـل ماشملوهـا منيحـه

والعنق عنق مذير(ن) عقب ما شـاف
بـواردي(ن) لاقـف(ن) لـه بضيـحـه

والعين عين موحش(ن) راس مشراف
يملا عيونـه بالفجـوج الفسيحـه

يابنت مانرضى المهونه والاضعاف
لنا على روس المشاريف صيحـه

لاتنشدين عن المنـازل والاسـلاف
يوم اذكر الماضي تهيـج القريحـه

فينا صفات الطيب يابنت واوصاف
ما تنطبـق فـي غيرنـا يامليحـه

دخلينا يرقد ورى الوجه ما خـاف
يامن وتحماه السلوم الصـر يحـه

ناسم عصاه ولو يبا حج واطـاف
تحت الحمـى ماواحـد(ن) يستبيحـه

وانفوسنا دايم عفيفـات وانظـاف
وابدانا مـن كـل علـه صحيحـه

صاحين صافين المشاريب واشراف
ماناكـل المتـرديـة والنطيـحـه

وصلبين في وقت الشدايد وعـراف
منا المشوره واختيـار النصيحـه

وان ثارت الهيجا لنا وسط واطراف
وجه الحريـب نقنعـه بالفضيحـه

واكرام لو يلحق بنا نقص واخلاف
نملى الصحـن ونلحفـه بالذبيحـه

يوم السنين الماضيه حيل واعجاف
ينقر لنا من هبـة الريـح ريحـه

والعيشه اللي تدبل الكبـد تنعـاف
النفس عن ما تكرهـه مستريحـه

دنياً تموج ولا رسمنا لها اهـداف
ياما تحتهـا مـن فعولـن قبيحـه

اتجهز الغازي وتسـرع بالانكـاف
ولا تنكـف الا بالفلـس والقبيحـه

رحيل ,ناصر الهواوي ,عبدالله الصقري معجبون بهذا