ياهبوب الجنوب أروي حنين القلوب
وامسحي دمعة الحسناا من عيونها

كم زعجها وهجها من بعيد الدروب
لين هلت وجابت كل مخزونها

في مسار الغيوب وكل شي مْحسوب
خوفها من هوى ليلى ومجنونها

والامل فوق كفٍّ راحته من ثقوب
وثقل حمل الاماني كسر مْتونها

الله أكبر على نسج الخيال الكذوب
كيف يوعد غلا العشاق ويخونها

ياعسى الوارده تسبق شعاع الغروب
وياعسى الصادره تمشي على هونها

وياعسى ماجرى تكفير بعض الذنوب
ويرحم الشاعره ويكون في عونها