شبكة رواسي نجد الأدبية - عرض مشاركة واحدة

19-07-2020, 08:17 PM

اقتباس:

المشاركة الأصلية كتبت بواسطة ناصر الهواوي

يالهجس انا بي ضرم ماهوب للرسلان والكيف
لقافٍ عن مهيلات دلالها والتمر كافي

لعل صواغته لو كان شحوا ما بهم حيف
كلٍ ابـ بيته بخير ومن يحبه ومتعافي

عن مايزيل الصدا لي حول شهر وجمعه ونيف
الا امس للخالدي بلسم من القيفان شافي

ياذا النخل وين ذات الطوق ما اوحيت الغطاريف
رغم ان فيِّك يناسب ورقها والجو صافي

ليا بغا يجبر الخاطر تعرضته صواديف
حتى تبيِّن بعد ذاق الوزا ماكان خافي

^^
صح لسانك أبو عبيد وصحصحت قرائحك

ياذا الهواوي حبكت الحرف والقيفان بالليف = حتى النخل حنّ بالهاجس ومدّك بالقوافي
مدّيت عينك على جذعه وتحكي له سواليف = تشكي له الحال من فرقى وليفٍ صار جافي
الورْق مثل الورَق يطوي جناحه في مظاريف = ون هب ريح الهوى تسمع لجنحانه رفافي
أوغرت في خاطري لمحة على ذات النفانيف = هزت كياني ومكنوني وهاجوسي وقافي
يا قاف وقّف وصوّت له على روس المشاريف = قل له غريم الهوى يسعى لكم والساق حافي
يا كم تعنى ولا يحسب لها كثر التكاليف = ما حث رجلي على طرد الهوى غير السنافي
^^
وسلامتك والجميع

الجووهره ,عبدالله الصقري ,رحيل معجبون بهذا