شبكة رواسي نجد الأدبية - عرض مشاركة واحدة

05-07-2020, 03:45 AM

البارح أهمومي ضوني عواطيب=وكنيتها يا سعود في وسط جوفي

كنيتها بين الضلوع المحاديب=بس الزمان اليوم ما هو عطوفي

صبرت مير الصبر ما به تطابيب=خصا ً لبعض الشي ما هو نصوفي

أشوف في بعض الوجيه التعاجيب=اللي صداهم باديا ً بالنكوفي

قابلتهم بالطيب وأحلى الأساليب=ولله جعل لطيب منهم خلوفي

أسمع لهم لجـّـه وحشت عراقيب=والكل منهم للغثارب يحوفي

دلو على شياً بليا مطاليب=وتناوشو ضلع ٍ كبير معروفي

يا موصلين الهرج يأهل الغثاريب=عيب ٍ علي ألد فيكم وأشوفي

لكن على درب الوفاء والمواجيب=تسمعو هرجي قبل لا يطوفي

تراي مأسمع للحكي والعذاريب=ذيب ٍ على ماقيل هذي وصوفي

نفسي مودبها عن العيب تاديب=وقلبي على الشينات ماهو لهوفي

أشوم عن درب الردا والذواهيب=ولاقص بالجره وعيني تشوفي

أبقى على عزه وأطول المراقيب=ولاهزني هرج ٍ تجيبه ضعوفي

وإنكان ما سارت يميني على الطيب=نذرٍ على أشيلها من كتوفي

وأرمي بها في وسط قبر ومناصيب=وأقول مأنتي كفو شيل السيوفي

وأصبر على جور الدهر والملاهيب=واليا تردى عضو حان القطوفي

.

عبدالله الصقري ,هزاع محمدالعاصمي ,ناصر الهواوي معجبون بهذا