شبكة رواسي نجد الأدبية - عرض مشاركة واحدة

21-06-2020, 03:50 AM

اقتباس:

المشاركة الأصلية كتبت بواسطة ناصر الهواوي

سلام ياصوت رفرفة السعف لا هبه الريح
وسلام ياصمته اللي قبل هالنسمه تهبه

اشيل واحط ابي تعليلهاواقوم واطيح
حيث انها اشجت هجوسي للغنا من غير سبه

الله على هالنخل والورق كم سبب تباريح
والمشكله رغم ما منهن يصير الكل احبه

ياويح من هو فقد همسه وضحك وغمز ياويح
بطفلٍ فقد للحنان ومصدره دايم ايشبه

لو ليموا له قراقيع وحلاو مطنب ايصيح
ولا يعلم بما يبيه ويقلقه ياكود ربه

صح لسانك ابو عبيد .. تطربنا دائما ونحاول نحاكيك ...
^
يا صوت شل الغناوي بالصدى عبر المروايح
وأنشد طروق الهواوي بالهوى والبحر غُبه

بحر الهوى ما يخوضه بالغنى غير الصواديح
اللي لهم قلب يخفقها بمجداف المحبه

ون تاه ينظر لنجم الليل وعْيونه قواديح
لا بد ما تبرق النجمة ويتهدّى لدربه

وليا تعثّر وطاح الحظ وأفكاره مجاريح
يضرب فجوج الثرى وألحاضها والحظ ضربه

ما عاد بشرح خواطر خافية بالسد وأبيح
والنيل مهما بنوا من سدّ له يعرف مصبه

وسلامتكم ،،،

عبدالله الصقري ,شاعرة نجد ,الجووهره معجبون بهذا