هرجٍ يجول بصدرك اطلق سراحه
هات العلوم وطيب الفعل مأمول
اقلط على صدرٍ فضا من سماحه
سلم النقا دربٍ الاجواد مدهول
يا صاحبي والعز نلبس وشاحه
حبل الرفاقه مُوثقينه ومفتول
العاقل اللي ما يثور سلاحه
لا شاف عوجا من ماهبيل وخبول
راعي الوفا فالجود يلقى ارتياحه
مثل المطر يسقي ميادين وسهول
لو تقطع ابحور الكلافه سباحه
ما ترضي العالم وبالعون مخذول
والناجح الناجح يواصل كفاحه
عينه تروم النايفه عزم وتطول
وليل العتم لا بد يشرق صباحه
ويجلي الهموم اللي له ثقل وحمول