شبكة رواسي نجد الأدبية - عرض مشاركة واحدة

21-04-2020, 12:17 PM

ياخي ما شفته مع السوق ياخي
ولا ذكر لك لو دونه مسافه
الله يبلى من بلاني وانا حي
بالغصب طوعني بليّا عسافه
يا طي قلبي طي طيٍ على طي
طي الجرايد في مطابع صحافه
عليك يا جافل من الريح يا ظبي
يا شين قلبك ما بقلبك مرافه
كويت قلبي كيتينٍ على كي
بصياخ نار وكلفتني كلافه
جرحٍ نجيض وجرح توه حدث ني
ومامن نيات الجرح غير الكسافه
وما يشكي المسكين يا كود من شي
اما مرض ولا محبة ولافه
والولف مثل الشمس تلحق على الفي
وكم عاشقٍ نثيل قبره لحافه
ومن ناقلين اخبار جاني خبر سي
قالوا: قمر عشرين باكر زفافه
واخذت لي مده وانا حن وابكي
عليك يا سر الشرف والنظافه
قالوا: علامك بك بلى ؟ قلت : وش بي!
بلاي من عذرا ً عليها الحسافه
وهي الحسوفه قالوا : الناس من هي ؟
ثم قلت : ما منكم ولا شخص شافه
نوى يغيب ونية الخير تنوي
وعفت الوطن يوم ادعج العين عافه
وغاب وسكن شرقي جبل حاتم الطي
ذاك الجبل قدمه وسلمى خلافه
يوم إن بابور المحبه مرسي
الله من بحرٍ سعابه وطافه
واليوم بطن البحر خالي ومصفي
ومستوصف العاشق يطوّل اسعافه
انت الذي تهدم غرامك وانا ابني
بنيت قصرٍ كبر قصر الضيافه
قصرٍ يسجل فيه اسمك مع اسمي
ياللي درست المعرفه والثقافه

أرحبي يالريم

رحيل ,الجووهره ,عبدالله الصقري معجبون بهذا