بارك الله فـ القصيد وفـ القلم لاضاق صدري
يشرح الخاطر وهذي حيلتي واقصى جهودي

وأن كشفني حرف شعري واسألوني قلت مدري
والا من نسج الخيال وضاع من يبحث سْدودي

والله انّه والله انّه,مانقص قدره وقدري
بس كثر الشوق ماغذّى المشاعر والوعودي

تنقض الذكرى جروحٍ حطها المكتوب بدري
ومرت الايام واللي راح ماظني يعودي

غرد العصفور فوق السور والا غصن سدري
التبلّد صار فيني مكتسيني لاحدودي!!