شبكة رواسي نجد الأدبية - عرض مشاركة واحدة

02-03-2020, 03:20 AM

اقتباس:

المشاركة الأصلية كتبت بواسطة ناصر الهواوي

لا سرَّح الفكر ما ارده سوى بالصياح=او اهمس باذنه(......) تراها تبيك
او يسمع لراعبيات النخل جا نواح=طبعه كذا من فقد من هو يبي صار هيك
مواجهات العدو بالمعركه بالسلاح=ومحال تصد سهم رموش عينه بديك
كريم يابارقٍ للعين بالصحو لاح=ياخدها منك ضوحه وانكساره ايليك
ياجيد الادمي متى شعر الذهب لك وشاح=ومتى عيونك يالاشقر منه ردت عليك
لي خاطرٍ من بعد مافارقه ما استراح=وعينن تقول إللذيذ النوم انا ما اشتهيك

^^
ما به بدع جديد .. ولكن الله يخلي أبو عبيد في بدعه وإبداعه
وصح لسانه .. وتستأهل كل قصايده المجاراة والمحاكاة
ولكن بنأخذها من قاصرها .. وهاك م الأخير كما يقال :
^-^
سوّحت لي طرق والهاجس يحب السُواح = يا ذا الهواوي طرقت اللحن طرق المزيك
والرأس ميّل وعمّ الروح جو إنشراح = كني على صالة الفرسان وأسمع دبيك
والعين عين أشقرٍ تلمح لذات الجناح = تصيدها العين باللمحة ، وفركة يديك
فيها شبَه يشهد التأريخ تشبه سُجاح = الصدق والكذب منهجها وبه تحتويك
وإلا كما شهر زاد وفي الصباح الرباح = وراحت أيام يارٍ بين هذي وذيك
يا سيحة البال هليّ بالليالي الملاح = وخلي الهجس والهاجس تحوفه يديك
يا شيخنا يالهواوي ليه تنكأ الجراح = الراعبي لو سجع ما عاد نمسك بريك

هههه وسلامتكم هههه

شاعرة نجد ,عبدالله الصقري ,ناصر الهواوي و 1 آخرون معجبون بهذا