المشاركة الأصلية كتبت بواسطة ناصر الهواوي

صوت وصدى واهدِّي الهجس ما طاق=اقول بس وقال صبرك شويه
سمعت مالا عنه الاسكات ينطاق=يبدع معه بالشعر من كان عيه
جو مشتلٍ منه قطفو كل مالاق=وانا باثرهم كان خلوا بقيه
من هالزهور اللي تفتق على ساق=قام يتمريع وسط الاجوا النديه
بالقافيه خوه وبالمقصد افراق=كلٍ قدم رجله يسوقه لنيه
وانا الذي له خاطرٍ ما بعد راق=لا ارتاح من هيه بدت فيه هيه
تومي به الذكرى ويذعن وينساق=مع دربها وتزيد كيه بكيه
من القرب بُعد وبدل الشوف بفراق=ومعشب فياض القلب صارت سنيه
مبطي ووجده ما سمع فيه طقطاق=رعد/ سماه من المخايل خليه
طول الضما احرق مانما وسطه احراق=الا العروق بتربة القلب حيه
ليا اروحت ريحة ندا حيها فاق=وتنبش براعمها جريحات نيه