شبكة رواسي نجد الأدبية - عرض مشاركة واحدة

04-02-2020, 09:09 AM

هاضني من حرك الوجدان فيني
باجمل القيفان و اطربني لحنها

و انهمل قطر القريحه من يديني
بالحروف و صفحة الدفتر وطنها

من بلاوي الفقد همي محتويني
مثلما تحوي القبور اللي سكنها

لا جميل الصمت رآف بدمع عيني
لا و لا نفسي جلا الهاجوس عنها

من تصبح بالرضا له فال زيني
و من تصبح بالجروح الفى شجنها

وينها ياليل فرقاي الحزيني
بسمة اللي عوقها غرق وجنها

الألم همسة شفآه الراحليني
يكتمونه لين جز العمر و انهى

و الصبر اقسى اذا زاد الحنيني
و التوت باشواكه الروح و رسنها

وش بعد لو غصب عني تذكِّريني
بالظروف اللي خفايفها محنها

كل ما انسى ضيقتي حرفك يجيني
مثل خنجر فيه من دمي فتنها

طالبك يالشامخه لا تجرحيني
بالمعاني ذيك خليها بكفنها

كلنا باللي خلقنا مؤمنيني
جنته للمبتلى الصابر ضمنها

واحمده يومه مشرفني بديني
يوم دينه ضاع مع ناس ٍ لعنها

مرتضي لاقداره و يسجد جبيني
شكر و فروض و مناجاة بسننها

فاض ليل النور من مسراي ويني
لا استغآث الطيب و اسقيته وسنها

ذاب كلي من هقآوي مرتجيني
ليت نفسي همها ما قد رهنها

ملكة الرواسي ,الجووهره ,روابي معجبون بهذا