شبكة رواسي نجد الأدبية - عرض مشاركة واحدة

02-02-2020, 02:20 AM

تسآلي للسجينه الجميله
شمووووخه
وللجمييييع

سجّ القدم والفكر أطلق سراحه
خلك كما طيرٍ بعالي الفضا حِمت

والقلب جدد بهجته وانشراحه
واستغفر الله كلما نمت أو قمت

،،،،

على بساط الليل نسري بالاحلام
ونسامر نجوم السما ب الاماني.

،،،

تدري وش إللي ماتجي بالملايين
*العافية* لا صرت محروم منها
وتدري وش إللي حدّها حدّ سكين
*الحاجة* اللي ماانت قاوي ثمنها
... وتدري وش اللي ماتوّفي لها الدين
*اللي غذاك بصغر سنّك لبـنها*
وتدري وش إللي راجحه بالموازين
*سجدة*سَحَر لاناموا الناس عنها

،،،،

‏من عف كف ومن تألم تعلم
‏ومن عاش بالواقع ترك كل الاحلام
‏.
‏ما يندم الساكت كثر من تكلم
‏ولا يامن العاقل صواديف الايام

،،،،

لو كل ما نبغى يجينا على الكيف
ما صار فينا إنسان ضايق من الهمّ
::
بس الحياة هموم صـدر وتكاليف
مع فرحةٍ تجلي عن الضايق الغمّ
::
أحدٍ بنى مجمل حياته على الكيف
وأحد مضـيِّع كل عمره على الكمّ

عبدالله الصقري ,ناصر الهواوي ,الشامخه معجبون بهذا