شبكة رواسي نجد الأدبية - عرض مشاركة واحدة

27-01-2020, 10:07 PM

اقتباس:

المشاركة الأصلية كتبت بواسطة عبدالله الدّنّيش

السلام عليكم واسعد الله وقتكم
في تاج القصيد نحلق ببعض الأبيات عسى أن تروق لكم

( خدني على قد شوقي )

على صدى صوت ورقا هاضت أنغامي
هزّت هجوسي وغنّت من طوارقها

جسّت شجوني وفاض القلب بآلامي
والقلب يطرق شجونه من مطارقها

يا ما تمنيت قربه طول الأيامي
لكن الأيام طالت في مشارقها

غروب شمسه هوت في بحره الطامي
وأحيان يظهر لنا راكب زوارقها

يشكي وأنا أشكي وأنا بوكّل مْحامي
بوكّل الشوق وأرفع له بوارقها

وأطلب من الشعر يكتب له من إلهامي
سطى على القلب حتى الروح سارقها

خُذني على قد شوقي .. حقق أحلامي
خذني لدنياك .. والدنيا نفارقها

الود ودي نصدق كاذب أوهامي
ونشوف غيم المودة لاح بارقها

يا وُد سافر ورافق حبي السامي
ودّ الرسالة وكثر الشوق حارقها

هذي بيوتي من أجله سالت أقلامي
والحبر مصبوب له من طرف هارقها

ويا شوق صادق وهذي بصمة إبهامي
ولا تقول السفينة ليش خارقها

هاتك معي وأبتهج من هبة أنسامي
فُض السوالف وسولف ليه دارقها
^^-^^
وسلامتكم

تسلم يـ الدنيش
وصح لسانك على هـ العذبه
لاعدمنا ابداع المبدعين والبوح الفااخر

تقديري,’’