شبكة رواسي نجد الأدبية - عرض مشاركة واحدة

11-11-2019, 01:15 PM

اقتباس:

المشاركة الأصلية كتبت بواسطة ناصر الهواوي

هههههههههههههههههههه
يالله صباح خير لاشرفيه
صحت الالسن زطابت الذوائق واسفهلت الخطر وزانت الامزجه بالعافيه وطيبة الانفس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
غرد مادام الجو لك زان يالطير=تحتك ماء وايضا تظلك غمامه
ولا طير يشبه حالتك يالعصيفير=تثبت حضورك في غياب الحمامه
وبلشت انا ما بينكم بس لاضير=جيران واغليكم ولامن ندامه
ارجع لها يالهجس لااتطاوع امشير=ليا اومضت بالرمش حب وكرامه
تله وخذلك في نحاها امشيوير=مادام بانت من رسومه علامه
منها فهمت اللي بغاه وعاى خير=ومن عندهم ترجع لنا بالسلامه

^^
صح لسانك يا راع المغاتير .. شككت هزاع في نواياك لكن ردك عندي
ولا يهمك يا العاصمي هذا قاعد في المزرعة ويراقب العصافير وأزعجته
وقاعد يرميها ولا عليك منه شغله عندي وأنا بو هندي .. وأقول له :-
^^
في ذمة ابياتك وفن التعابير= إنك مع البلشات فوق الملامه
خابرك ما تَخفى عليك التفاسير= وألحان من غنىّ بظبي العدامه
ولا ضير لو هفّت عليك العصافير = صفق لها وأنشر عليها العمامه
يا راعي الخبرة وحسن التدابير = وفّر على الصياد حامي سهامه
ما همه التعبة وطول المشاوير = ولا ضجيج الخط وإلا زحامه
ويا زين سيحة بال بين النواوير = في منتجع / بدْبي وإلا المنامه
^-^
والتوالي لها والي .. وسلامتكم

عبدالله الصقري ,الجووهره ,ناصر الهواوي و 1 آخرون معجبون بهذا