مسّاكم وُسجن القوافي,بـ الانوار
اللي ليامن ضاق صدري نصيته

من فاخر الاذواق وابداع شعّار
يزول همي وانبسط لاقريته

لاغبت جبت مْن القصايد والاعذار
كم بيت شعرٍ من جديدي بنيته

حشمه وتوقير ومعزه ومقدار
لـ اسرة رواسينا وكلٍ ابّيته

والحين لف الهاجس بْفكري ودار
وسريت احاكي موقفٍ مانسيته

يوم الوداع اللي علي عج وغبار
ودمعٍ تهامل وامسحه ماقويته

ياشينها بعض الطواري والاشوار
ياليت قلبي طاعني(يُم)نهيته !