الموضوع: هنا .. سجن القوافي !!
عرض مشاركة واحدة
قديم 10-09-2019, 03:40 PM   #27082

الصورة الرمزية خيال مطير
خيال مطير غير متواجد حالياً

بيانات اضافيه [ + ]
 رقم العضوية : 1630
 تاريخ التسجيل :  Feb 2016
 أخر زيارة : 31-05-2025 (12:20 AM)
 المشاركات : 33,624 [ + ]
 التقييم :  29542
 مزاجي
 MMS ~
MMS ~
لوني المفضل : Snow
افتراضي


معلقه

يابنت ياللي تطوي الثوب الارداف
شط الحوار بدر بكر يميحه
في مرتع ٍ عشبه تغريف تغرياف
وامه هجل ماشملوها منيحه
والعنق عنق مذير ٍ عقب ما شاف
بواردي ٍ لا قف ٍ له بضيحه
والعين عين موحش ٍ راس مشراف
يملا عيونه بالفجوج الفسيحه
يابنت مانرضى المهونه والاضعاف
ولنا علي روس المشاريف صيحه
فينا صفات الطيب يابنت الاوصاف
ماتنطبق في غيرنا يامليحه
دخلينا يرقد وراء الوجه ما خاف
يامن وتحماه السلوم الصريحه
ناسم عصاه ولويبي حج واطاف
تحت الحما ما واحد ٍ يستبيحه
ونفوسنا دايم عفيفات وانظاف
وابداننا من كل عله صحيحه
صاحين صافين المشاريب واشراف
ماناكل الترديه والنطيحه
صلبين في وقت الشدايد وعراف
منا المشوره واختيار النصيحه
وان ثارت الهيجالنا وسط واطراف
وجه الحريب نقنعه بالفضيحه
واكرام لو يلحق بنا نقص وخلاف
نملا الصحن ونلحفه بالذبيحه
يوم السنين الماضيه حيل وعجاف
ينقر لنا من هبة الريح ريحه
والعيشه اللي تدبل البد تنعاف
النفس عن ما تكرهه مستريحه
دنيا تموج ولا رسمنا لها اهداف
ياما تحتها من فعول ٍ قبيحه
تجهز الغازي وتسرع بالانكاف
ولا تنكف الا بالفلس والقميحه


 
توقيع : خيال مطير


الخط يبقى زمنا بعد كاتبه ،،، وصاحب الخط تحت الأرض مدفون

التعديل الأخير تم بواسطة خيال مطير ; 10-09-2019 الساعة 03:45 PM
رد مع اقتباس