عصفور غرد وعلم جارتك لاتنوح=قل جارنا ما يحب النوح ياجارتي
قل اسجعي في هديلٍ عذب يبر الجروح=وانا ابا ارتب على منواله عبارتي
نبي نجامل معه في هالمسا لايروح=وانا اعرفه حر لازم يفهم اشارتي
فهمت ما اراد وانا قبل عندي طموح=وفي ضل خضر الجريد اوقفت سيارتي
ان كان ياثنين عن ما اكن يلزم شروح=على طبق من سعف ابا ابسط حكايتي
العين ولهى وفي كبدي وقلبي جروح=وميزان الارباح مالت فيه خسارتي
كم لي وانا اشوح ذكرى ماضي الوقت شوح=نفسٍ نصوحه ونفس بشري أمارتي
ووردت هجسي على عدٍ بما بي يفوح=ما ادري طرب او فرح يوم ارجعت خالتي