الموضوع: طرا على بالي من الشعر فكره
عرض مشاركة واحدة
قديم 04-06-2019, 11:21 AM   #1
https://up.harajgulf.com/do.php?img=1288052

الصورة الرمزية سلمى
سلمى غير متواجد حالياً

بيانات اضافيه [ + ]
 رقم العضوية : 1919
 تاريخ التسجيل :  Jun 2017
 أخر زيارة : 06-01-2021 (08:07 PM)
 المشاركات : 2,126 [ + ]
 التقييم :  4135
 مزاجي
لوني المفضل : Cadetblue
افتراضي طرا على بالي من الشعر فكره


بين القيام وبين وقت التراويح
طرا على بالي من الشعر فكره

جتني هواجيسي كما عاتي الريح
مالي على رد الهواجيس قدره

وقمت اغني وارفع الصوت واصيح
ياليت مالي ف الطواريق خبره

تأتيني الأفكار من دون تلميح
كتبت لين إن القلم جف حبره

وأنا قضيت الشهر حمدٍ وتسبيح
ما انساني الشيطان ربي وذكره

اسجد لوجهه والضماير مجاريح
وارجيه وأدعي بانكسارٍ وعبره

يدمح خطاي ويغفر الذنب ويريح
قلبي بتوفيقه ولطفه وجبره

وطموحي اللي دونه اقوم واطيح
عليه لاحقني حسافه وحسره

دايم على شوفه عيوني مشافيح
ودي يصير اليوم قدام بكره

أحققه واعطي بطاقه وتصريح
للهم يطلع من خفوقي بكبره

دنياي ظلمى والأماني مصابيح
‏وحكم القدر نرضى بعسره ويسره

والعمر مره والليالي مراويح
وللموت عند منازع الروح سكره

يارب وجهي من وجيهٍ مفاليح
لا قام كلٍ ينفض تراب قبره

#سلمى
#جديدي


 
التعديل الأخير تم بواسطة الناقد/عبدالله الروقي ; 18-06-2019 الساعة 11:29 PM
رد مع اقتباس