فوّض شعورك وأطلقه يملأ فضاك = فضفضْ وفُضّ السالفة لا فُضّ فوك
بُثّ الشُكى والكفّ أبرفعها معاك = والهرج يفنِي الهمّ ولْسانك يلوك
كلي أذانٍ صاغية تسمع حُكاك = إنزح رواسب هرج في صدرك تحوك
صدري رحوب ويتّسع لآخر مداك = جُرّ السوالف من بُكاها للضحوك
يرتاح لك صدري وهو يسمعْ شُكاك = خُذ راحتك وأحذر تساوركْ الشكوك
أداوي العِلّة .. ويا عليّ فِداك = لو كنت في نجران وإلا في تبوك
أهواك في بُعدك .. ويقربني هواك = طاريك يسريبي على ظهر المكوك
أطير وأحلّق بحلمي في سماك = والشوق عوّدني على هذا السلوك
يا صاح لي كم عام وأنا اتبع خُطاك = مرّة تورّدها .. وفي مرات شوك
واليوم أنا قررت بغفر لك خَطاك = وأصدر من الغفران في حقك صكوك